İstanbul Mahkemesi 334 Numaralı Sicil (H. 1280-1329 / M. 1863-1911) cilt: 99, sayfa: 142 Hüküm no: 118 Orijinal metin no: [55-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Tayin evrakını kaybeden Davud Paşa Mahkemesi Başkâtibinin evrakının yenilenmesi Umdetü’l-mevâli’l-izâm hâlâ İstanbul’da Davud Paşa Mahkemesi’nde nâibimiz fazîletlü Abdülkerim Davud Efendi -dâme muvaffakan bi’l-hayr- ba‘de’t-tahiyyeti’l-vâfiye inhâ olunur ki, mahkeme-i merkūmede başkâtib bulunan Mustafa Efendi bundan on sene mukaddem irtihâl-i dâr-ı bekā edip yerine bâ-intihâb-ı Fetvâ-penâhî ta‘yîn buyurulmuş olan mekremetlü Mehmed Şâkir Efendi’ye verilen mürâselesini zâyi‘ etmiş ve bu def‘a me’mûriyetine dâir mürâsele istirhâm eylemiş ve efendi-yi mûmâ-ileyh mahkeme-i merkūmenin asâleten başkitâbeti hizmetinde istihdâm olunduğu derkâr bulunmuş olmağla işbu mürâselemiz tahrîr ve terkīm ve efendi-yi mûmâ-ileyhe i‘tâ olundu. Fî-gurreti Rebî‘ülevvel sene [1]292. [56. sayfa boştur]