Bab Mahkemesi 46 Numaralı Sicil (H. 1096 - 1097 / M. 1685 - 1686) cilt: 19, sayfa: 549 Hüküm no: 668 Orijinal metin no: [116a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. İbrahim Çelebi b. Abdullah’a Saraçhane Vakfı’na olan borcunu ödemesi için tembih Dârü’l-hilâfeti’l-aliyye Kostantıniyye el-mahmiyye’de vâki‘ Saraçhâne ahâlîsinin mühimmâtına mevkūfe nukūda bi’l-fi‘l mütevellî olan işbu bâ‘isü’l-kitâb Mustafa Çelebi b. Hüseyin el-Yesârî meclis-i şer‘-i şerîf-i enverde yine tâife-i mezbûreden İbrahim Çelebi b. Abdullah nâm kimesne muvâcehesinde üzerine da‘vâ ve takrîr-i kelâm edip mütevellîsi olduğum vakf-ı mezbûr malından mezkûr İbrahim Çelebi’nin zimmetinde yüz yirmi guruş deyni olup hâlâ edâdan imtinâ‘ eder suâl olunup alıverilmesi matlûbumdur dedikde gıbbe’s-suâl mezbûr İbrahim Çelebi cevâbında fi’l-hakīka müdde‘î-i mezbûrun mütevellîsi olduğu vakf-ı mezbûr malından ber vech-i mastûr yüz yirmi esedî guruş zimmetimde lâzımü’l-edâ ve vâcibü’l-kazâ deynimdir deyû ikrâr ve i‘tirâf etmeğin alâ mûcebi i‘tirâfihî meblağ-ı mezbûr yüz yirmi [116b] esedî guruşu müdde‘î-i mezbûra edâ ve teslîme mezkûr İbrahim Çelebi’ye tenbîh olunup mâ vaka‘a bi’t-taleb ketb olundu. Fi’l-yevmi’s-sâmin aşer min şehri Ramazâni’l-mübârek li sene seb‘a ve tis‘în ve elf. Şuhûdü’l-hâl: Sarrâc Halil Çelebi, Mehmed Çelebi saraç, sarrâc Ahmed Çelebi, Mustafa Çelebi b. Ahmed, İbrahim Çelebi [b.] Ahmed, Süleyman Çelebi.