İstanbul Mahkemesi 334 Numaralı Sicil (H. 1280-1329 / M. 1863-1911) cilt: 99, sayfa: 198 Hüküm no: 196 Orijinal metin no: [38M-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ermeni katoliği patrikliğine muhalif kişilerin işlerini halledecek olan Galata ve Beyoğlu muhtarlarının kullanacakları mühürlerin tatbikinin gönderildiği Makām-ı âlî-yi hazret-i Meşîhat-penâhîye Ma‘rûz-ı çâker-i kemîneleridir ki, Ermeni katoliği patrikliğine muhalif fırka efrâdının husûsât-ı vâkı‘a-i âdiyesine dâir Galata ve Beyoğlu muhtârları tarafından verilecek ilmühaberlerin ma‘mûlün-bih tutulması hakkında vukū‘ bulan istid‘â üzerine keyfiyet Başvekâlet-i celîle makām-ı âlîsine arz ve iş‘âr olunarak şeref-vârid olan cevâb-ı sâmîde ol vechile icrâ-yı îcâbı emr ve iş‘âr buyurulmuş ve mezkûr muhtârların isti‘mâl edecekleri mühürlerin tatbîkleri leffen gönderilmiş olmağla iktizâ-yı hâlin îfâsı bâbında emr ü fermân hazret-i men-lehu’l-emrindir. Fî 13 Rebî‘ülevvel sene [12]98 ve fî 1 Şubat sene [1]296.