İstanbul Mahkemesi 334 Numaralı Sicil (H. 1280-1329 / M. 1863-1911) cilt: 99, sayfa: 198 Hüküm no: 197 Orijinal metin no: [38M-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Taşraya verilecek vekâlet hüccetlerinin sadreynden başka makamdan verilmemesi İstanbul Kādılığı’na Fazîletlü efendim hazretleri, Taşra için verilecek vekâlet hüccetlerinin sadreyn-i muhteremeyn taraflarından i‘tâsı nizâmı iktizâsından bulunduğu hâlde Dersa‘âdet mehâkim-i şer‘iyesinden bu yolda hüccetler verilmekde olduğu beyânıyla men‘i lüzûmu Anadolu kādıaskeri semâhatlü efendi hazretleri cânibinden bâ-takrîr ifâde olunmuş ve hilâf-ı nizâm hareket müstelzim-i mesûliyet olup bu bâbda îcâb edenlere icrâ-yı tenbîhât edilmiş olmağla taraf-ı fâzılânelerinden dahi hilâf-ı nizâm mu‘âmele getirilmemesine dikkat ve i‘tinâ ve nâib efendilere de îfâ-yı vesâyâ buyurulması siyâkında tezkire-i senâverî terkīm olundu. Fî 7 Cumâdiyelevvel sene [12]98 ve fî 25 Mart sene [12]97. Ahmed Said