İstanbul Mahkemesi 334 Numaralı Sicil (H. 1280-1329 / M. 1863-1911) cilt: 99, sayfa: 205 Hüküm no: 206 Orijinal metin no: [46-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Sahte Mecidiye bulunduğunda hemen kesilmesi, sahtecilik yapanların da yakalanmaya çalışılması Mâliye Nezâret’inden makām-ı âlî-yi Meşîhat-penâhî’ye Ma‘rûz-ı bende-i dîrîneleridir ki, Hazîne-i celîleden ma‘âş için Meskûkât İdâre-i behiyesine gönderilen akçe derûnunda bir aded kalb mecîdiye zuhûr eylediği gibi bunlardan ötede beride dahi câbecâ görülmekde olduğu idâre-i mezkûreden vârid olan fî 2 Kânûn-ı evvel sene [12]98 târih ve dört yüz yetmiş sekiz numaralı tezkirede beyân ve iş‘âr olunmuş ve bu misillü kalb mecîdîyelerin men‘-i tedâvülü emrinde tedâbîr-i lâzımenin icrâsı ehem bulunmuş olduğundan bu bâbda vakt-i kâmile ve mütemâdiye îfâ ve kalb akçenin hîn-i zuhûrunda derhâl sahibi önünde kat‘ıyla âmilinin zâhire ihrâcı’çün mu‘âmele-i mukteziyenin icrâsı husûsunun bi’l-cümle devâir ve vilâyâta izbârı Şûrâ-yı Umûr-ı Mâliye karârıyla Vâridât İdâre-i Umûmiyesi’nden ifâde ve ol vechile her tarafa teblîğ-i madde olunmağın bâb-ı Fetvâ-penâhîlerince de minvâl-i meşrûh üzere icrâ-yı îcâbı husûsunun lâzım gelenlere emr ü tenbîh buyurulması bâbında emr ü fermân hazret-i veliyyü’l-emrindir. Fî 29 Safer sene 1300 ve fî 28 Kânûn-ı evvel sene [12]98.