İstanbul Mahkemesi 334 Numaralı Sicil (H. 1280-1329 / M. 1863-1911) cilt: 99, sayfa: 207 Hüküm no: 209 Orijinal metin no: [47-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Süryani patriği vekili olan Abdünnur vekaletten çıkarıldığı Adliye Nezâreti’nden Huzûr-ı âlî-yi hazret-i Fetvâ-penâhîye Ma‘rûz-ı bende-i dîrîneleridir ki, Süryânî patriği vekîli olup cemâ‘at-i merkūme efrâdına âid husûsâta dâir ilmühaberlerde isti‘mâl edeceği mühürün mu‘teber tutulması fî 2 Ş sene [12]91 târihinde bâ-tezkire-i sâmiye iş‘âr olunmuş olan Abdünnur râhib bu kere vekâletden çıkarılmış ve diğerinin ta‘yîni derdest bulunmuş olduğundan ba‘demâ râhib-i merkūmun mührüyle vürûd edecek evrâka i‘tibâr olunmaması lâzım geleceğinin beyânına ibtidâr kılındı, ol bâbda emr ü fermân hazret-i men-lehu’l-emrindir. Fî 7 Rebî‘ülevvel sene [1]300 ve fî 4 Kânûn-ı sânî sene [12]98.