İstanbul Mahkemesi 334 Numaralı Sicil (H. 1280-1329 / M. 1863-1911) cilt: 99, sayfa: 210 Hüküm no: 213 Orijinal metin no: [49-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Rum Melkit Katoliği cemaatine ait evrakın mühürlenmesinde gönderilen tatbik mühürünün kullanılacağı Adliye ve Mezâhib Nezâreti’nden Makām-ı âlî-yi cenâb-ı Fetvâ-penâhîye Rum Melkit Katoliği cemâ‘atinin Dersa‘âdet’de bulunanların ferâğ ve intikālât ve mürûr tezâkiri istihsâli gibi husûsâti’çün ale’l-âde ilmühaberler i‘tâsına cemâ‘at-i merkūme patrikliği tarafından me’zûn olan Arşimendrin Mihail Efendi’nin vukū‘-ı vefâtına mebnî husûsât-ı mezkûreye dâir ba‘de ezîn verilecek ilmühaberlerin kendi mührüyle temhîr olunacağı zikrolunan patrikliğin Dersa‘âdet’de vekîli tarafından ifâde ve mühr-i mezkûrun verilen tatbîkleri leffen savb-ı sâmî-i cenâb-ı Fetvâ-penâhîlerine firistâde kılınmağla lede’l-hâce mürâca‘at olunmak üzere mezkûr tatbîklerin hıfz ettirilmesi husûsuna himem-i âlî-i Meşîhat-penâhîleri irâde buyurulmak bâbında emr ü fermân hazret-i men-lehu’l-emrindir. Fî 6 Rebî‘ülevvel sene [1]300 ve fî 2 Şubat sene [12]98.