İstanbul Mahkemesi 334 Numaralı Sicil (H. 1280-1329 / M. 1863-1911) cilt: 99, sayfa: 254 Hüküm no: 262 Orijinal metin no: [84-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Afganî eş-Şeyh Mahmud Celaleddin Efendi’ye maaş verilmesi Bâdî-i terkīm-i hurûf oldur ki, Kemmilîn-i meşâyih-i tarîkat-ı Nakşibendiye’den Şah Abdullah ed-Dehlevî -kuddise sırruhü’t-tekā- hazretleri fukarâ-yı dervîşânından işbu bâ‘isü’r-rakīm Afganî eş-Şeyh Mahmud Celaleddin Efendi’ye Dârü’l-hilâfeti’l-aliyye kādılığı hâsılâtından müddet-i âcizânemde beher şehr on beş guruş verilmekte olduğundan ahlâf-ı kirâm tarafından meblağ-ı merkūmun hâsılât-ı vâkı‘adan beher şehr i‘tâ ve bu vesîle ile ihrâz-ı ecr-i mesûbâta nazar-ı rağbet buyurulup ümîdiyle ba‘de’l-kayd işbu sened mûmâ-ileyhe i‘tâ kılındı. Fî 29 Zilhicce sene 303.