İstanbul Mahkemesi 334 Numaralı Sicil (H. 1280-1329 / M. 1863-1911) cilt: 99, sayfa: 261 Hüküm no: 273 Orijinal metin no: [90-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fesci, ipekçi, bakkal, ekmekçi ve tütüncü esnafının tereke muamelelerinin tâbi oldukları mahkemeler tarafından yapılması Ma‘rûz-ı bende-i dîrîneleridir ki, Fesci ve ipekçi ve bakkāl ve ekmekçi ve tütüncü esnâfına âid tahrîr-i terekât mu‘âmelâtı mukaddemâ İstanbul Mahkemesi’ne tahsîs kılınmış ise de şimdi onun devamını mûcib bir sebeb olmadıktan başka lağvı tevhîd ve ıttırâd-ı mu‘âmeleyi istilzâm edeceği ve terekât-ı merkūme hâsılâtı senevî birkaç bin guruşdan ibâret olup zikrolunan tahsîsâtın feshinden mahkeme-i mezkûre hâsılâtına nazaran ehemmiyete alınacak bir noksan terettüb etmeyeceği anlaşılmasına mebnî esnâf-ı merkūme terekelerinin İstanbul Mahkemesi’ne inhisâr-ı merbûtiyetden sarf-ı nazarla terekât-ı sâire misillü tâbi‘ oldukları mehâkim tarafından tahrîr ve tesviyesi husûsuna iş‘âr-ı âlî-i meşîhat-penâhîleri üzerine Şûrâ-yı Devlet karârıyla bi’l-istîzân irâde-i seniyye-i cenâb-ı pâdişâhî şeref-müte‘allik buyurulması olmağla ber-mantûk-ı emr ve fermân-ı hümâyûn iktizâsının îfâsı bâbında emr u irâde hazret-i men-lehu’l-emrindir. Fî 10 Rebî‘ülâhir sene 304 ve fî 25 Kânûn-ı evvel sene 302. Sadrıa‘zam Kâmil [91-92. sayfalar boştur]