Bab Mahkemesi 46 Numaralı Sicil (H. 1096 - 1097 / M. 1685 - 1686) cilt: 19, sayfa: 558 Hüküm no: 679 Orijinal metin no: [118b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ahmed Efendi b. Atâullah’ın kölesi Kenan’ı azat etmesi Mahmiye-i İstanbul’da Debbâğzâde mahallesi sükkânından umdetü’l-mehâdim Ahmed Efendi b. el-müvelle’l-merhûm Atâullah Efendi meclis-i şer‘-i şerîf-i enverde ikrâr-ı tâm ve takrîr-i kelâm edip bana rıkkını i‘tirâf eden işbu açık kaşlı gök ala gözlü orta boylu sarı sakallı Gürciyyü’l-asl hâmil-i hâze’l-kitâb Kenan b. Abdullah nâm abd-i memlûkümü, hasbeten lillâhi te‘âlâ malımdan tahrîr ve i‘tâk ve kayd-ı rıkkıyyetden ıtlâk ve sâir ahrâr-ı asliyyîn silkine ilhâk ve idrâc eyledim min ba‘d mevsûf-ı merkūm Kenan sâir ahrâr-ı asliyyîn gibi hür olmuşdur dedikde mâ hüve’l-vâki‘ bi’t-taleb ketb olundu. Fi’l-yevmi’l-hâdî ve’l-ışrîn min şehri Ramazâni’l-mübârek li sene seb‘a ve tis‘în ve elf. Şuhûdü’l-hâl: İbrahim Çelebi b. Ahmed, Mustafa Çelebi b. Ahmed, İbrahim Efendi b. Mehmed el-Hamîdî.