İstanbul Mahkemesi 334 Numaralı Sicil (H. 1280-1329 / M. 1863-1911) cilt: 99, sayfa: 300 Hüküm no: 317 Orijinal metin no: [117-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Emanet Dava Vekaleti’ne Süleyman Subhî Bey’in tayini ve davaların çokluğu sebebiyle Tevfik Efendi’nin emanete ait davalara vekalet etmesi Taraf-ı Âlî-i Hazret-i Meşîhat-penâhî’ye, Ma‘rûz-ı bende-i dîrîneleridir ki, Emânet Da‘vâ Vekâleti’ne ta‘yîn olunan Süleyman Subhî Bey’e i‘tâ olunan vekâletnâmenin ale’l-usûl mehâkim-i şer‘iyece kayd ve tescîli zımnında Meclis-i Emânet’den musaddak bir sûreti 15 Teşrîn-i evvel sene 306 târihli arîza-i çâkerânemle takdîm kılınmış idi. De‘âvînin kesret ve ehemmiyetine binâen sa‘âdetlü Tevfik Beyefendi’nin emânete âid de‘âvîde dahi îfâ-yı vekâlet eylemesi meclis-i mezkûrun cümle-i mukarrerâtından bulunmuş olmağla mehâkim-i mezkûrece mûmâ-ileyhin dahi kabûl-ı vekâleti zımnında îcâb-ı hâlin icrâsı husûsuna müsâ‘ade-i aliyye-i cenâb-ı meşîhat-penâhîlerinin şâyân buyurulması bâbında emr u fermân hazret-i veliyyü’l-emrindir. Fî 28 Rebî‘ülevvel sene 308 ve fî 30 Teşrîn-i evvel sene 306.