İstanbul Mahkemesi 334 Numaralı Sicil (H. 1280-1329 / M. 1863-1911) cilt: 99, sayfa: 314 Hüküm no: 333 Orijinal metin no: [129-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bütün nezaret ve dairelerin makam-ı vekalete müracaatları ile Heyet-i Vükela’ya gönderecekleri yazılarda usule uygun davranmaları Taraf-ı Âlî-i Hazret-i Fetvâ-penâhî’ye, Ma‘rûz-ı bende-i dîrîneleridir ki, Her nezâret ve dâirenin makām-ı vekâlete mürâca‘at ve heyet-i vükelâca müzâkereye ta‘lîk edecekleri mevâd hakkında re’y-i zâtîleri ne ise onun dahi derciyle her maslahatın îcâbına göre resmî takrîr veyâ tezkire ile beyân olunmasının ve re’ysiz ve usûle gayr-ı muvâfık evrâkın adem-i kabûlünün usûl ittihâzı müte‘allik buyrulan irâde-i seniyye-i cenâb-ı pâdişâhî iktizâ-yı âlîsinden olarak keyfiyet mukaddem ve mu’ahhar makām-ı âcizîden her dâireye teblîğ ve te’kîd edilmiş olduğu hâlde bazı dâirelerce yine re’ysiz evrâk gönderilmekte bulunmasına ve kā‘ide-i muharrerenin mer‘iyyeti lâzımeden ve muktezâ-yı irâde-i seniyye-i cenâb-ı hilâfet-penâhîden olmasına mebnî bu kere bi’l-cümle devâire te’kîd-i vesâyâ kılınmış olmağla Bâb-ı Vâlâ-yı Fetvâ-penâhîlerince dahi ber-mantûk-ı emr ve fermân-ı hümâyûn usûl-ı mezkûreye tevfîk-i hareket buyurulması bâbında emr u irâde hazret-i men-lehu’l-emrindir. Fî 17 Zilka‘de sene 309 ve fî 31 Mayıs sene 308. Sadrıa‘zam ve Yâver-i Ekrem Cevad