İstanbul Mahkemesi 334 Numaralı Sicil (H. 1280-1329 / M. 1863-1911) cilt: 99, sayfa: 345 Hüküm no: 376 Orijinal metin no: [146-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Emlak-ı Hümayun’a sınırı olan emlak ve arazi için Hazine-i Hassa’ya malumat verilmeden ihbar ilamı verilmemesi Bâb-ı Fetvâ Dâire-i Meşîhat-i İslâmiye Mektûbî Kalemi Aded: 71 İstanbul Kādılığı’na, Semâhatlü Efendim Hazretleri, Emlâk-ı mahsûsa-i cenâb-ı pâdişâhîye cihet ve münâsebeti olan bazı arâzî için Hazîne-i Hâssa-i Şâhâne’ye ma‘lûmât verilmeksizin mehâkim-i şer‘iyeden verilen ihbâr i‘lâmlarına istinâden arâzî-i mezkûre elden ele geçerek Hazîne-i Hâssa için birçok müşkilâtı dâ‘î olmakta olduğundan ve zâten emlâk-i hümâyûn ile hem-hudûd bulunan bazı mahaller hakkında Hazîne-i Hâssa’ya bilâ-ihbâr mu‘âmele icrâ olunmaması şeref-sudûr buyrulan irâde-i seniyye-i cenâb-ı hilâfet-penâhî hükm-i celîlinden bulunduğundan bahisle evvel-emirde bir kere hazîne-i müşârün-ileyhâca tahkīkāt-ı evveliye icrâ olunmak üzere Dersa‘âdet ve civârında emlâk-i hümâyûn ile hem-hudûd olan emlâk ve arâzî için ma‘lûmât verilmeksizin ihbâr i‘lâmı i‘tâ edilmemesinin mehâkim-i şer‘iyeye teblîğine dâir Hazîne-i Hâssa Nezâret-i Behiyyesi’nden vürûd eden tezkire üzerine Meclis-i Tedkīkāt-ı Şer‘iyye ifâdesiyle icrâ-yı teblîgāt kılınmış olmağla tezkire-i senâverî terkīm olundu efendim. Fî 23 Cumâdelûlâ sene 1322 ve fî 24 Temmuz sene 1320. Şeyhülislâm Mehmed Cemaleddin