İstanbul Mahkemesi 334 Numaralı Sicil (H. 1280-1329 / M. 1863-1911) cilt: 99, sayfa: 353 Hüküm no: 386 Orijinal metin no: [150-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Acil maddeler hakkında yapılacak tahkikatta müşkilat çıkarılmaması Bâb-ı Âlî Dâire-i Sadâret-i Uzmâ Mektûbî Kalemi Aded: 219 Taraf-ı Âlî-i Hazret-i Meşîhat-penâhî’ye, Ma‘rûz-ı bende-i dîrîneleridir ki, Mevâdd-ı müsta‘cele hakkında icrâsı muktezî tahkīkātın husûsât-ı sâireye tercîhen ve serî‘an îfâsıyla bir gûne müşkilât hudûsuna mahâl verilmemesi lâzımeden olduğu hâlde müessesât-ı Ecnebiye’ye müte‘allik olarak Şûrâ-yı Devlet’e havâle olunan evrâk üzerine mahallerinden ve devâir-i müte‘allikasından vukū‘ bulan istîzâhât ve taleb olunan tahkīkāt netâyîci defa‘âtle te’kîden olunmadan istihsâl edilememekde olduğu Mülkiye Dâiresi’nden bâ-mazbata inbâ ve bunun her nokta-i nazardan adem ve cevâzı derkâr olarak ecvibe ve îzâhât-ı matlûbenin sür‘at-i i‘tâsı zımnında ta‘mîmen teblîgāt icrâ kılınmış olmağla Dâire-i Celîle-i Meşîhat-penâhîlerince dahi îfâ-yı muktezâsı bâbında emr u irâde hazret-i men-lehu’l-emrindir. Fî 23 Şevval sene 324 ve fî 26 Teşrîn-i sânî sene 322. Sadrıa‘zam Ferid