İstanbul Mahkemesi 334 Numaralı Sicil (H. 1280-1329 / M. 1863-1911) cilt: 99, sayfa: 363 Hüküm no: 396 Orijinal metin no: [155-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Resmî dairelere ait icraat, mukarrerat ve tebligatın devletin resmi gazetesi olan Takvim-i Vekayi ile yayınlanması Bâb-ı Âlî Dâire-i Umûr-ı Dâhiliye Mektûbî Kalemi Aded: 57 Taraf-ı Âlî-i Hazret-i Meşîhat-penâhî’ye, Ma‘rûz-ı bende-i dîrîneleridir ki, Devâir-i resmiyeye âid icrâat ve mukarrerât ve teblîgāt neşri îcâb eden sâir mevâddın Takvîm-i Vekāyi‘e derc olunmak üzere Matbû‘ât-ı Dâhiliye İdâresi’ne gönderilmesi ve gayr-ı resmî gazetelere ma‘lûmât ve evrâk verilmemesi mükerreren teblîğ edildiği hâlde bazı devâirden Takvîm-i Vekāyi‘ Gazetesi’ne i‘lânât-ı âdiyeden başka bir şey gönderilmemekte ve bi’l-akis gayr-ı resmî gazetelere tevcîhât-ı resmiyeye ve sâireye dâir birçok mevâddın derc edildiği hergün görülmekte olmasına ve kâffe-i mukarrerât ve teblîgāt-ı resmiyenin münhasıran ve mütemâdiyen devletin resmî gazetesi olan Takvîm-i Vekāyi‘ ile neşri lüzûmu bedîhî bulunmasına binâen iş‘âr-ı sâbık vech ile îfâ-yı muktezâsı zımnında îcâb edenlere tenbîhât-ı ekîde ve kat‘iyye îfâsı husûsuna müsâ‘ade-i aliyye-i meşîhat-penâhîleri sezâvâr buyurulmak bâbında emr u fermân hazret-i men-lehu’l-emrindir. Fî 12 Şevval sene 326 ve fî 25 Teşrîn-i evvel sene 324. Nâzır-ı Umûr-ı Dâhiliye