İstanbul Mahkemesi 334 Numaralı Sicil (H. 1280-1329 / M. 1863-1911) cilt: 99, sayfa: 367 Hüküm no: 401 Orijinal metin no: [157-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Okuma-yazma bilmeyen ve mührü olmayanların evrak ve senetlere yapıştırılan pulları istavroz veya parmak işaretiyle iptal etmeleri Nezâret-i Umûr-ı Mâliye Encümen-i Umûr-ı Mâliye Aded: 443 Ma‘rûz-ı bende-i dîrîneleridir, Düyûn-ı Umûmiye Meclis-i İdâresi Riyâseti’nin Damga Resmî Tedkīk Komisyonu’na havâle olunan fî 27 Kânûn-ı evvel sene 323 târihli müzekkiresine merbût defterin okumak yazmak bilmeyen ve mührü olmayanlar tarafından evrâk ve senedâta ilsâk olunan pulların imzâ ve mühre bedel istavroz [ve]ya parmak? işâretleri ile ibtâl edilmekde olduğu cihetle bu sûret-i ibtâlin makbûl ve mu‘teber tutulup tutulmamasının tedkīk ve ta‘yînine dâir olan yüz yirmi yedi numaralı fıkrası komisyonda mütâla‘a olunarak gerçi Damga Resmî Kānûnu’nun yirmi dokuzuncu maddesinde tasrîh edildiği vech ile evrâk ve senedâta ilsâk olunan pulların târih ve mühür ile yâhûd târih ve imzâ ile ibtâli lâzımeden ise de okuyup yazmak bilmemek ve mührü olmamak gibi ahvâl-i zarûriyede makām-ı imzâ ve mühürde istavroz ve parmak işâretlerinin isti‘mâli örf ve âdet hükmünü almış olduğundan ketb ü kırâete adîmü’l-iktidâr olmağla beraber mührü dahi bulunmayanlar tarafından evrâk ve senedâta ilsâk olunan pulların târih ile parmak ve istavroz işâretlerinden biriyle şurût-ı kānûniyeye muvâfık olarak icrâ kılınacak mu‘âmele-i ibtâliyenin makbûl ve mu‘teber tutulması iktizâ edeceği mezkûr komisyondan bâ-mazbata ifâde olunduğu beyânıyla mûcebince îfâ-yı muktezâsı fî 13 Temmuz sene 324 târihli tezkire-i sâmîyede iş‘âr buyurulmuş ve ahîren vukū‘ bulan istîzâh üzerine bâ-buyruldu-yı sâmî teblîğ buyrulan fî 9 Kânûn-ı evvel sene 324 târihli Şûrâ-yı Devlet Tanzîmât [Dâiresi] mazbatası sûretinde dahi parmak veyâ istavroz işâretinin hîn-i vaz‘ında iki veyâ daha ziyâde kimse tarafından şehâdet [158] …? olmasıyla bu misillü işârât-ı mahsûsa ile ta‘rîf-i kānûniye muvâfık sûretde ibtâl olunan pullardan dolayı rüsûmca bir gûne zâyi‘at melhûz olmadığından karâr-ı mezkûrun tağyîrine mahâl görülemediği beyân edilmiş ve keyfiyet Encümen-i Mâliye karârıyla lâzım gelenlere teblîğ edilmiş olmağla arz ve beyân-ı ma‘lûmâta ibtidâr kılındı, ol bâbda emr u fermân hazret-i veliyyü’l-emrindir. Fî 5 Muharrem sene 327 ve fî 15 Kânûn-ı sânî sene 324. Mâliye Nâzırı Nâmına Müsteşâr ed-Dâ‘î Mahmud Esad