Bab Mahkemesi 46 Numaralı Sicil (H. 1096 - 1097 / M. 1685 - 1686) cilt: 19, sayfa: 564 Hüküm no: 689 Orijinal metin no: [120b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Rabia bt. Abdullah’ın Hasan Beşe b. Hasan’dan muhâlaa yoluyla boşandığı Mahmiye-i İstanbul’da Lütfi Paşa mahallesinde sâkine olup zâtı ma‘rifet-i şer‘iyye ile ârifân Abdullah Efendi b. Mehmed Efendi ve terzi Ahmed Çelebi b. el-Hâc Veli nâm kimesneler ta‘rîfleriyle mu‘arrefe olan Râbia bt. Abdullah nâm hâtun meclis-i şer‘-i şerîf-i enver ve mahfil-i dîn-i münîf-i ezherde zevc-i muhâlı‘ı işbu bâ‘isü’l-kitâb Hasan Beşe [b.] Hasan nâm kimesne mahzarında ikrâr ve takrîr-i kelâm edip zevcim mezbûr Hasan Beşe zimmetinde mütekarrir ve ma‘kūdun-aleyh olan beş yüz akçe mehr-i müeccelim ve nafaka-i iddet-i ma‘lûmem üzerlerine ve me’ûnet-i süknâm dahi kendi üzerime olmak üzre zevcim mezbûr Hasan ile muhâla‘a-i sahîha-i şer‘iyye ile muhâla‘a olup ol dahi hul‘-ı mezbûru kabûl eylediğinden sonra hukūk-ı zevciyyete müte‘allika da‘vâdan her birimiz âharın zimmetini ibrâ eyledik dedikde gıbbe’t-tasdîki’ş-şer‘î mâ vaka‘a bi’t-taleb ketb olundu. Fi’l-yevmi’s-sâbi‘ ve’l-ışrîn min Ramazâni’l-mübârek li sene seb‘a ve tis‘în ve elf. Şuhûdü’l-hâl: Mehmed Efendi el-İmâm, Ahmed Çelebi b. Mehmed Efendi, Hüseyin b. Hasan, el-Hâc Veli.