İstanbul Mahkemesi 334 Numaralı Sicil (H. 1280-1329 / M. 1863-1911) cilt: 99, sayfa: 392 Hüküm no: 427 Orijinal metin no: [171-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Karesi sancağının Hüdavendigar vilayetinden ayrılarak müstakil liva haline getirilmesi Bâb-ı Âlî Dâire-i Umûr-ı Dâhiliye Mektûbî Kalemi Aded: 24 Taraf-ı Âlî-i Hazret-i Meşîhat-penâhî’ye, Ma‘rûz-ı bende-i dîrîneleridir ki, Karesi sancağının Hüdavendigar vilâyetinden fekk-i irtibâtıyla müstakil bir livâ hâline ifrâğı husûsuna Şûrâ-yı Devlet ve Meclis-i Mahsûs-ı Vükelâ karârlarıyla bi’l-istîzân irâde-i seniyye-i cenâb-ı pâdişâhî şeref-sudûr buyrularak devâir-i müte‘allikaya i‘tâ-yı ma‘lûmât edildiği beyânıyla nezâretce îfâ-yı muktezâsı fî 13 Haziran sene 325 târihli ve 1181 numaralı tezkire-i sâmîyede izbâr buyurulmuş ve keyfiyet îcâb edenlere iş‘âr [172] olunduğu gibi Takvîm-i Vâkāyi‘ ile de i‘lân ettirilmiş olmağla beyân-ı ma‘lûmâta ibtidâr kılındı, ol bâbda emr u fermân hazret-i men-lehu’l-emrindir. Fî 13 Cemâziyelâhire sene 327 ve fî 18 Haziran sene 325. Dâhiliye Nâzırı Ferid