İstanbul Mahkemesi 334 Numaralı Sicil (H. 1280-1329 / M. 1863-1911) cilt: 99, sayfa: 395 Hüküm no: 432 Orijinal metin no: [174-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Jandarmaların terekeleri hakkında da asker muhallefatı gibi muamele yapılması Bâb-ı Fetvâ Dâire-i Meşîhat-i İslâmiye Tahrîrât Kalemi Aded: - Jandarmalar bi’l-fi‘il îfâ-yı hizmet eyledikleri esnâda devletin kuvâ-yı müsellehasından ma‘dûd bulunduklarından terekeleri hakkında asâkir muhallefâtı misillü mu‘âmele îfâsı lâzım geleceğinin Şûrâ-yı Devlet karârı iktizâsından olduğu sebk eden istifsâra cevâben taraf-ı sâmî-i sadâret-penâhîden teblîğ buyurulmuş ve mûcebince mu‘âmele îfâsı Meclis-i İdâre-i Emvâl-i Eytâm ifâdesiyle bi’l-umûm merâkiz-i vilâyât ve elviye-i gayr-ı mülhaka niyâbet-i şer‘iyelerine iş‘âr ve mülhakāta gönderilmek üzere işbu tahrîrâtın nüsah-ı kâfiyesi leffen tisyâr kılınmış olmağla îfâ-yı muktezâsına himmet olunması siyâkında şukka-i mecî terkīm kılındı. Fî Şevval sene 1327 ve fî Teşrîn-i evvel sene 1325.