İstanbul Mahkemesi 334 Numaralı Sicil (H. 1280-1329 / M. 1863-1911) cilt: 99, sayfa: 397 Hüküm no: 435 Orijinal metin no: [175-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Uygulamaya giren kanunların kuvve-i icraiye tarafından tatbikine dikkat edilmesi Bâb-ı Fetvâ Dâire-i Meşîhat-i İslâmiye Tahrîrât Kalemi Aded: - Bu sene kuvve-i teşrîhiyece tedkīk ve taraf-ı eşref-i hazret-i pâdişâhîden tasdîk olunup mevki‘-i icrâya vaz‘ edilmek üzere devâir-i âidesine teblîğ ve i‘lân olunan kavânînin kuvve-i icrâiye tarafından kemâl-i şer‘le tatbîkine i‘tinâ edileceği Meclis-i Umûmi’nin ta‘tîl-i müzâkere ettiği gûne kabîne nâmına te’mîn kılındığından bahisle emr-i tatbîkde vukū‘ bulacak teahhur tenkīdi istilzâm edeceğinden gerek merkezde ve gerek vilâyâtda tatbîkāta gayret ve dikkat ettirilerek kuvve-i teşrî‘iye ve icrâiyenin mesâ‘î-i masrûfesinden memleket ve milletçe intizâr olunan fevâid ve semerât-ı maddîyenin tamamıyla iktitâfı esbâbının istikmâli lüzûmu bâ-tezkire-i sâmîye iş‘âr olunduğu Mâliye Nezâreti’nden Dâire-i İlmiye-i Muhâsebe Müdîriyeti’ne vârid olan tezkirede izbâr olunmuş ve mülhakāta gönderilmek üzere işbu tahrîrâtın nüsah-ı kâfiyesi leffen isrâ kılınmış olmağla sûret-i iş‘âra nazaran iktizâsının îfâsına himmet eylemeleri siyâkında şukka-i mecî terkīm olundu. Fî-Şevval sene 1327 ve fî-Teşrîn-i evvel sene 325.