İstanbul Mahkemesi 334 Numaralı Sicil (H. 1280-1329 / M. 1863-1911) cilt: 99, sayfa: 400 Hüküm no: 439 Orijinal metin no: [176-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Dersaadet’deki makam ve dairelerin Hicaz vilayetine yazdıkları telgrafnamelerden mükerrer ücret alınmaması Nezâret-i Umûr-ı Mâliye Mektûbî Kalemi Aded: 369 Ma‘rûz-ı bende-i dîrîneleridir, Dersa‘âdet’de makāmât-ı âliye ve devâir-i sâireden Hicaz vilâyet-i celîlesine ve vilâyâtın rüesâ-yı me’mûrînine umûm sırada keşîde olunmakta bulunan mufassal telgrafnâmelerin vilâyet-i müşârün-ileyhâ me’mûrîn-i mûmâ-ileyhim tarafından beyne’l-haremeyn telgrafnâme hatt-ı hümâyûn-ı şevket-makrûn mevcûd olmamasından dolayı tekrar Mekke-i Mükerreme’den kablo vâsıtasıyla ve Beyrut ve Şam tarîkiyle Medîne-i Münevvere’ye teblîğ olunması hasebiyle mükerrer olarak birçok kablo ücreti verilmekte olup bu gibi evâmir-i umûmiye buradan vilâyet-i müşârün-ileyhâ ile defterdâr ve kumandanlıklara yazıldığı sırada serlevhasına Medîne-i Münevvere’ye dahi olduğu işâret olunursa artık Hicaz’dan kablo vâsıtasıyla mezkûr belde-i tâhireye teblîgāt icrâsına ve şu hâlde kabloya mükerrer ücret i‘tâsına mahâl kalmayacağı ve bu da Hazîne-i celîlenin menâfi‘ini te’mîn [177] edeceği mukaddemâ Suriye Başmüdîriyeti’nden iş‘âr olunduğu gibi bu kere Hicaz Başmüdîriyeti’nden de? aynı teklîf vukū‘ bulduğunu mebnî ba‘demâ devâirce bu vechile îfâ-yı mu‘âmele olunması Posta ve Telgraf Müdîriyet-i Umûmiyesi Vekâleti’nden alınan tezkirede bildirilmiş ve keyfiyet ta‘mîmen teblîğ edilmiş olmağla Dâire-i İlmiyece de icrâ-yı îcâbı bâbında emr u fermân hazret-i veliyyü’l-emrindir. Fî 7 Şa‘bân sene 1327 ve fî 11 Ağustos sene 1325. Mâliye Nâzırı Nâmına Müsteşâr Rıfat