İstanbul Mahkemesi 334 Numaralı Sicil (H. 1280-1329 / M. 1863-1911) cilt: 99, sayfa: 410 Hüküm no: 450 Orijinal metin no: [182-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Haklarında kanuni takibat yapılan veya hapishanelerden bir şekilde çıkmış olan maznun ve mücrimler hakkında neşredilen kanunun devlet memurlarından suç işleyenlere de şümulü Bâb-ı Âlî Dâire-i Sadâret Tahrîrât Kalemi 204 Taraf-ı Vâlâ-yı Hazret-i Meşîhat-penâhî’ye, Ma‘rûz-ı bende-i dîrîneleridir ki, İ‘lân-ı meşrûtiyetden evvel irtikâb-ı cürm edip haklarında ta‘kībât-ı kānûniye icrâ edilmekde olan yâhûd habshânelerden birer sûretle çıkmış bulunan cerâim-i âdiye maznûnîn ve mahkûmîni hakkında bazı ma‘füviyâtı hâvî neşrolunan kānûnun me’mûriyet-i devletin me’mûriyetlerini îfâen yâhûd me’mûriyetlerini îfâ vesîlesiyle irtikâb eyledikleri cerâime de şâmil tutulmak tezekkür kılındığı Hâriciye Nezâret-i celîlesinden bâ-tezkire vukū‘ bulan istifsâr üzerine bi’l-havâle Şûrâ-yı Devlet Tanzîmât Dâiresi’nden bâ-mazbata ifâde ve devâir-i merkeziyeye ta‘mîmen teblîğ-i madde kılınmış olmağla dâire-i celîle-i ilmiyece de ber-vech-i karâr iktizâsının îfâsı bâbında emr u irâde hazret-i men-lehu’l-emrindir. Fî 15 Zilka‘de sene 1327 ve fî 15 Teşrîn-i sânî sene 1325. Sadrıa‘zam Hüseyin Hilmi