İstanbul Mahkemesi 334 Numaralı Sicil (H. 1280-1329 / M. 1863-1911) cilt: 99, sayfa: 411 Hüküm no: 452 Orijinal metin no: [183-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Memurlardan dersiâm ve mekatib-i âliye talebesi olanlara izin verilmesi Bâb-ı Fetvâ Dâire-i Meşîhat-i İslâmiye Tahrîrât Kalemi Aded: 292 İstanbul Kādılığı’na, Fazîletlü Efendim Hazretleri, Me’mûrîn ve ketebeden dersi‘âm veyâ mekâtib-i âliyeye müdâvim olanların müstakbelen tefeyyüz ve terakkīlerine mâni‘ olmamak şîme-i nasfet ve maslahata muvâfık olacağına ve ancak dersi‘âm efendilerin ikindi dersi okutmak üzere mevki‘-i me’mûriyetlerinden infikâkleri mu‘âmelâtının te’mîn-i intizâm ve hüsn-i cereyânı nokta-i nazarından gayr-ı câiz bulunduğuna binâen mekâtib talebesinin hangi sınıfda bulunursa bulunsun mekteblerine ve dersi‘âm efendilerin yalnız sabah derslerinde bulunanlarına müsâ‘ade i‘tâsı Encümen-i Islâhât-ı İlmiye ve Meclis-i İntihâbca bi’t-tensîb keyfiyet ta‘mîmen teblîğ kılınmış olduğunun beyânına ibtidâr olundu efendim. Fî 29 Zilhicce sene 327 ve fî 29 Kânûn-ı evvel sene 325. Şeyhülislâm Nâmına Müsteşâr Mustafa Fehmi