İstanbul Mahkemesi 334 Numaralı Sicil (H. 1280-1329 / M. 1863-1911) cilt: 99, sayfa: 412 Hüküm no: 453 Orijinal metin no: [183-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fetva harclarının iptali ile varidat bütçesi dahilindeki vergilerden hariç halktan herhangi bir harc alınmaması Bâb-ı Fetvâ Dâire-i Meşîhat-i İslâmiye Tahrîrât Kalemi Aded: - Sene-i hâliye büdcesi mûcebince bi’l-umûm müfti ve müsevvidlerin tavzîf edilmiş olmalarına mebnî şimdiye kadar istifâ edilmekde olan fetvâ harclarının devam-ı istifâsına lüzûm kalmadığı gibi sene-i hâliye vâridât büdcesine dâhil olan rüsûm ve tekâlîfden mâ‘adâ ahâlîden hiçbir nâm ile bir gûne harc alınması büdce kānûnuyla memnû‘ bulunduğundan vâridât büdcesine dâhil olmayan mezkûr harcların ba‘demâ alınmaması husûsunun müfti efendilere tefhîmi, ol bâbda Mâliye Nezâret-i Aliyyesi’nden vârid olan tezkire üzerine ta‘mîmen hükkâm-ı şer‘a iş‘âr ve mülhakāta gönderilmek üzere işbu tahrîrâtın nüsah-ı kâfiyesi leffen tisyâr kılınmış olmağla taraf-ı şerîflerinden dahi ona göre îcâbının icrâ olunması siyâkında şukka-i mecî terkīm kılındı. Fî Zilhicce sene 1327 ve fî Kânûn-ı evvel sene 325.