İstanbul Mahkemesi 334 Numaralı Sicil (H. 1280-1329 / M. 1863-1911) cilt: 99, sayfa: 418 Hüküm no: 461 Orijinal metin no: [186-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Padişahın doğum gününün sadece top atışıyla kutlanması Bâb-ı Âlî Dâhiliye Nezâreti 361 Taraf-ı Âlî-i Hazret-i Meşîhat-penâhî’ye, Ma‘rûz-ı bende-i dîrîneleridir ki, Velâdet-i bâhirü’l-meymenet-i hazret-i pâdişâhî mülâbesesiyle devâir-i resmiye ve emâkin-i husûsiyenin tenvîri ve fişenk ve sâir endâhtı gibi bîhûde mesârif ve tekellüfât ihtiyâr olunması nezd-i hümâyûn-ı mülûkânede arzu buyurulmamakta olduğundan yevm-i mezkûrda yalnız vakt-i zuhûrda top endâhtı ile iktifâ edilmesi zımnında lâzım gelenlere teblîgāt îfâsı husûsuna Harbiye Nezâreti Vekâlet-i Aliyyesi’nin tezkire-i ma‘rûzası üzerine irâde-i seniyye-i cenâb-ı tâcidârî şeref-sudûr buyurulmuş olduğu bâ-tezkire-i sâmîye izbâr buyurulmuş ve keyfiyet ta‘mîmen teblîğ edilmiş olmağla Dâire-i Celîle-i Fetvâ-penâhîlerince de ona göre iktizâsının îfâ buyurulması bâbında emr u fermân hazret-i men-lehu’l-emrindir. Fî 13 Şevval sene 1327 ve fî 15 Teşrîn-i evvel sene 325. Dâhiliye Nâzırı Nâmına Müsteşâr Ali Fuad