Bab Mahkemesi 46 Numaralı Sicil (H. 1096 - 1097 / M. 1685 - 1686) cilt: 19, sayfa: 569 Hüküm no: 696 Orijinal metin no: [122a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hasan Efendi b. Abdullah’ın kölesi Dilaver’i azat etmesi Itknâme Mahmiye-i İstanbul’da Çerağī Hamza mahallesinde sâkin Hasan Efendi b. Abdullah nâm kimesne meclis-i şer‘de kendiye rıkkını i‘tirâf eden işbu orta boylu açık kaşlı sarı bıyıklı sarı ala gözlü Rûsiyyü’l-asl bâ‘isü hâze’l-kitâb Dilaver b. Abdullah nâm abd-i memlûkü mahzarında ikrâr ve takrîr-i kelâm edip mevsûf-ı mezbûr Dilaver’i hasbeten lillâhi’l-aliyyi’l-a‘lâ ve haseneten li rûhi resûlihi’l-mu‘allâ malımdan tahrîr ve i‘tâk ve zümre-i harâir-i asliyyîne ilhâk ve idrâc eyledim ba‘de’l-yevm mevsûf-ı mezbûr Dilaver sâir harâir-i asliyyîn gibi hür olup üzerinde sâbit olan velâ-i şer‘îden gayrı hakkım kalmadı dedikde gıbbe’t-tasdîki’ş-şer‘î mâ hüve’l-vâki‘ bi’t-taleb ketb olundu. Fi’l-yevmi’s-sâdis min Ramazâni’l-mübârek li sene seb‘a ve tis‘în ve elf. Şuhûdü’l-hâl: Hasan Efendi b. Abdüsselâm, Ömer Çelebi b. ( ) el-İmâm, Kadızâde Mehmed Çelebi, İslâm Beşe b. Bayram, Abdullah Efendi b. el-Hâc Veli el-Kâtib, Sarı İbrahim Efendi, Mehmed Efendi b. Ahmed Efendi, İbrahim Çelebi b. Ahmed, kayıkçılar kethüdâsı Ahmed Beşe.