İstanbul Mahkemesi 334 Numaralı Sicil (H. 1280-1329 / M. 1863-1911) cilt: 99, sayfa: 427 Hüküm no: 475 Orijinal metin no: [191-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Karasi’nin müstakil liva yapılmasından dolayı yazışmaların doğrudan doğruya mutasarrıflıkla yapılması Hülâsa: Karasi’ye âid mu‘âmelâtın doğrudan doğruya mutasarrıflığa teblîğine dâir. Taraf-ı Âlî-i Hazret-i Meşîhat-penâhî’ye, Ma‘rûz-ı bende-i dîrîneleridir ki, Hüdavendigar vilâyetinden fekk-i irtibât ile müstakil livâ hâline tahvîl edilmiş olan Karesi sancağına âid mu‘âmelâtın devâir-i merkeziyece el-ân vilâyete teblîğ edilmekde olduğu ve şu hâl muhâberât-ı zâideyi istilzâm eyledikten başka ashâb-ı mesâlihin işlerinin teahhur-ı rü’yetine de sebeb olmakta bulunduğu vilâyet-i müşârün-ileyhâdan iş‘âr kılınmış olmağla ba‘de-ezîn mezkûr sancağa âid umûr ve mu‘âmelâtın doğrudan doğruya mutasarrıflığa teblîği lüzûmunun îcâb edenlere emr ve tefhîmi menût-ı müsâ‘ade-i aliyye-i meşîhat-penâhîleridir, ol bâbda emr u fermân hazret-i men-lehu’l-emrindir. Fî 22 Zilhicce sene 1327 ve fî 22 Kânûn-ı evvel sene 1325. Dâhiliye Nâzırı Vekîli Nâmına Müsteşâr Ali Fuad