İstanbul Mahkemesi 334 Numaralı Sicil (H. 1280-1329 / M. 1863-1911) cilt: 99, sayfa: 428 Hüküm no: 477 Orijinal metin no: [192-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Meclis-i Mebusan’a verilen arzuhallerin ilgili dairelere sevki Sadâret’den 268 Ma‘rûz-ı bende-i dîrîneleridir ki, Meclis-i Meb‘ûsâna verilip devâir-i müte‘allikasına tevdî‘ olunan arzuhâller üzerine cereyân eden mu‘âmelenin zîrlerine derkenâr sûretinde tahrîriyle iâdesi mukaddemâ karârlaştırılmış ve o yolda mu‘âmeleye devam edilmekde bulunmuş olduğu hâlde bir müddetden beri irsâl olunan müsted‘iyâtın cevâbları tezkire ile vürûd etmekte olduğundan ve bu sûret mu‘âmelât-ı zâideyi istilzâm etmekle beraber aynen ashâbına iâdesi usûlden olan arzuhâllerin zîrinde cevâblarının muharrer olmaması dahi envâ‘-ı müşkilâtı dâ‘î olmakta bulunduğundan bahisle ba‘de-ezîn tezkire tastîrinden sarf-ı nazarla kemâ-fi’s-sâbık mu‘âmele îfâsı lüzûmu Meclis-i Meb‘ûsân Riyâset-i celîlesinden bâ-tezkire inbâ ve mûcebince devâire teblîgāt icrâ kılınmış olmağla nezâret-i celîlelerince de ber-vech-i muharrer îfâ-yı mu‘âmeleye himmet buyurulması bâbında emr u irâde hazret-i men-lehu’l-emrindir. Fî 8 Safer sene 328 ve fî 6 Şubat sene 325. Sadrıa‘zam İbrahim Hakkı