İstanbul Mahkemesi 334 Numaralı Sicil (H. 1280-1329 / M. 1863-1911) cilt: 99, sayfa: 445 Hüküm no: 499 Orijinal metin no: [202-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Merkezi Makriköyü’nde bulunan Küçük Çekmece kazası adının Makriköy kazası diye değiştirilmesi Dâhiliye Nezâreti Muhâberât-ı Umûmiye Dâiresi Dördüncü Şu‘be 4 Taraf-ı Âlî-i Hazret-i Meşîhat-penâhî’ye, Ma‘rûz-ı bende-i dîrîneleridir ki, Fî 6 Mart sene 1326 târihli ve dört numaralı tezkire-i aliyye-i meşîhat-penâhîleri cevâbıdır. Büyük ve Küçük Çekmece kazâlarının yekdiğeriyle hem-hudûd olmasından ve isimlerindeki müşâbehetden dolayı muhâberât ve mu‘âmelâtda yanlışlıklar vukū‘a gelmekde olduğundan merkezi Makriköyü’nde bulunan Küçük Çekmece kazâsı nâmının Makriköy kazâsı nâmına tahvîli husûsuna İstanbul Vilâyeti Meclis-i İdâresince gösterilen lüzûm ve nezâret-i âcizîden vâki‘ olan iş‘âr üzerine bi’l-istîzân irâde-i seniyye-i cenâb-ı pâdişâhî şeref-müte‘allik buyurulmuş olduğu bâ-tezkire-i sâmîye cevâben teblîğ olunarak îcâbı icrâ kılınmağla arz-ı ma‘lûmâta ibtidâr olundu, ol bâbda emr u fermân hazret-i men-lehu’l-emrindir. Fî 11 Rebî‘ülevvel sene 1328 ve fî 10 Mart sene 1326. Dâhiliye Nâzırı Nâmına Müsteşâr Ali Fuad