İstanbul Mahkemesi 334 Numaralı Sicil (H. 1280-1329 / M. 1863-1911) cilt: 99, sayfa: 454 Hüküm no: 508 Orijinal metin no: [207-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Medine-i Münevvere’nin elviye-i gayr-ı mülhaka tarzında idaresi Bâb-ı Âlî Dâhiliye Nezâreti Muhâberât-ı Umûmiye Dâiresi İkinci Şu‘be Umûm: 277 Hülâsa: Medîne-i Münevvere’nin elviye-i gayr-ı mülhaka tarzında idâresi hakkında. Taraf-ı Âlî-i Hazret-i Meşîhat-penâhî’ye, Ma‘rûz-ı bende-i dîrîneleridir ki, Medîne-i Münevvere ile Dersa‘âdet arasında telgraf ve şimendüfer hutûtu mevcûd ve bilâ-vâsıta te‘âtî-i muhâberât kābil olması hasebiyle belde-i tâhireye âid muhâberât-ı resmiye bi’z-zarûre elviye-i gayr-ı mülhaka gibi doğrudan doğruya muhâfızlıkla cereyân etmekte bulunmasına ve belde-i tâhirenin şeref ve kudsiyetine binâen [208] mutasarrıf makāmında bulunan zât kemâ-kân muhâfız unvânıyla yâd edilmek üzere Medîne-i Münevvere sancağının elviye-i gayr-ı mülhaka tarzında idâresi husûsuna Şûrâ-yı Devlet ve Meclis-i Mahsûs-ı Vükelâ karârıyla bi’l-istîzân irâde-i seniyye-i cenâb-ı pâdişâhî şeref-sudûr buyrulduğu bâ-tezkire-i sâmîye inbâ ve devâir-i müte‘allikaya teblîgāt îfâ kılınmış olmağla ol bâbda emr u fermân hazret-i men-lehu’l-emrindir. Fî 4 Şa‘bân sene 1328 ve fî 27 Temmuz sene 326. Dâhiliye Nâzırı Nâmına Müsteşâr Ali Fuad