İstanbul Mahkemesi 334 Numaralı Sicil (H. 1280-1329 / M. 1863-1911) cilt: 99, sayfa: 456 Hüküm no: 511 Orijinal metin no: [208-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Trablus-ı Şam sancağı Safita kazasındaki bazı köylerin Hısnü’l-ekrad kazasına bağlanması Bâb-ı Âlî Dâire-i Sadâret Tahrîrât Kalemi 176 Taraf-ı Âlî-i Hazret-i Meşîhat-penâhî’ye, Ma‘rûz-ı bende-i dîrîneleridir, Beyrut vilâyeti dâhilinde Trablus-ı Şam sancağında Safet kazâsına merbût Tenvireyn, Burc, Arabü’z-zeyniye, Zâhirü’l-beyâtara, Kal‘a-i Tenvireyn ve Cubbu’s-savâk? karyelerinin Meclis-i Umûmi-i Vilâyet’in karârı ve Harbiye Nezâret-i celîlesinin tensîbi vechile Hısnü’l-ekrâd kazâsına ilhâkı husûsuna Dâhiliye Nezâret-i celîlesinin iş‘ârı üzerine Şûrâ-yı Devlet ve Meclis-i Mahsûs-ı Vükelâ karârlarıyla bi’l-istîzân irâde-i seniyye-i cenâb-ı pâdişâhî şeref-sudûr buyrularak nezâreteyn-i müşârün-ileyhimâ ile Adliye, Mâliye ve Defter-i Hâkānî Nezâret-i Celîle ve aliyyelerine teblîgāt îfâ olunmağla îcâbının icrâsı bâbında emr u irâde hazret-i men-lehu’l-emrindir. Fî 23 Receb sene 328 ve fî 17 Temmuz sene 326. Sadrıa‘zam Hakkı