İstanbul Mahkemesi 334 Numaralı Sicil (H. 1280-1329 / M. 1863-1911) cilt: 99, sayfa: 459 Hüküm no: 515 Orijinal metin no: [210-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Vakıf gedik davalarında mütevellî kaymakamı sıfatıyla nezaret vekillerinden birinin bulunması Nezâret-i Evkāf-ı Hümâyûn Hukūk Müşâvirliği Aded: 12872/187 Huzûr-ı Âlî-i Cenâb-ı Meşîhat-penâhî’ye, Ma‘rûz-ı bende-i dîrîneleridir, Mutasarrıfları beyninde mütehaddis vakıf gedik da‘vâlarında kāimmakām-ı mütevellî sıfâtıyla nezâret vekîllerinden birinin bulundurulması lüzûmu İstanbul Kādılığı’ndan alınan fî 9 Kânûn-ı evvel sene 326 târih ve altı yüz beş numaralı tezkirede beyân ve iş‘âr kılınmış ise de nezâret vekîllerinin kesret-i meşgūliyetleri bu gibi mu‘âmelât ile iştigāle müsâ‘id olmamasına ve emsâli husûsâtda mütevellî kāimmakāmı nasbetmek hükkâm-ı şer‘iyenin salâhiyetleri dâhilinde bulunmasına mebnî vakıf gedik da‘vâlarında o vech ile mu‘âmele îfâ ve nezâret aleyhinde bir da‘vâ vukū‘unda ale’l-usûl da‘vetiye varakası tastîri lüzûmunun mezkûr kādılığa teblîği husûsuna masrûfi-i himem-i aliyye-i meşîhat-penâhîleri şâyân buyurulmak bâbında emr u fermân hazret-i men-lehu’l-emrindir. Fî 4 Muharrem sene 1329 ve fî 23 Kânûn-ı evvel sene 326. Evkāf Nâzırı Nâmına Mu‘âvin