İstanbul Mahkemesi 334 Numaralı Sicil (H. 1280-1329 / M. 1863-1911) cilt: 99, sayfa: 465 Hüküm no: 523 Orijinal metin no: [213-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Halep vilayetine bağlı olan Urfa sancağının müstakil liva yapılması Dâhiliye Nezâreti’nden 132 Hülâsa: Urfa sancağının müstakil livâ hâline ifrâğı hakkında. Taraf-ı Âlî-i Hazret-i Meşîhat-penâhî’ye, Ma‘rûz-ı bende-i dîrîneleridir ki, 11 Nisan sene 326 târih ve 25 numaralı tezkire-i âcizîye zeyldir. Haleb vilâyeti dâhilinde kâin Urfa sancağının ol bâbda şeref-müte‘allik buyrulan irâde-i seniyye-i hazret-i hilâfet-penâhî mûceb-i âlîsince müstakil livâya ifrâğ olunduğu hâlde bazı devâirce el-ân vilâyet-i müşârün-ileyhâdan fekk-i irtibât edilmeyerek mu‘âmelât-ı vâkı‘ada Haleb vilâyetini tavsît etmekte olduklarından ve bu ise mu‘âmelât-ı câriyeyi işkâlden başka bir şeyi intâc edememekde olduğundan bahisle livâya âid bi’l-cümle husûsât için livâ ile muhâbere olunması lüzûmu Urfa Mutasarrıflığı’ndan alınan telgrafnâmede beyân ve iş‘âr kılınmış ve me’mûrîn-i Dâhiliye’nin maâş ve mesârif havâlenâmeleri Haleb vilâyetinden bi’t-tefrîk doğrudan doğruya livâ-i mezkûra gönderilmekte olduğu kayden tebeyyün etmiş olduğundan dâire-i celîlelerince dahi ol vechile îfâ-yı muktezâsı husûsuna himmet buyurulması bâbında emr u fermân hazret-i men-lehu’l-emrindir. Fî 5 Zilka‘de sene 328 ve fî 24 Teşrîn-i evvel sene 326. Dâhiliye Nâzırı Nâmına Müsteşâr Ali Fuad