Bab Mahkemesi 46 Numaralı Sicil (H. 1096 - 1097 / M. 1685 - 1686) cilt: 19, sayfa: 571 Hüküm no: 701 Orijinal metin no: [122b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Emetullah bt. Rıdvan’ın Süleyman b. Mustafa’dan muhâlaa yoluyla boşandığı Mahmiye-i İstanbul’da Şeyh Ebülvefâ mahallesinde sâkine olup zâtı ma‘rifet-i şer‘iyye ile ârifân olup mahalle-i mezbûre ahâlîsinden el-Hâc Ali b. Mustafa ve el-Hâc Mehmed b. İbrahim ta‘rîfleriyle mu‘arrefe olan Emetullah bt. Rıdvan nâm hâtun meclis-i şer‘-i şerîf-i enverde zevc-i dâhili bâ‘isü hâze’l-kitâb Süleyman b. Mustafa mahzarında bi tav‘ihâ ikrâr ve takrîr-i kelâm edip mezbûr Süleyman ile beynimizde hüsn-i zindegânîmiz olmamağla zimmetinde mütekarrir ve ma‘kūdun-aleyh olan kırk esedî guruş mehr-i müeccelim ve nafaka-i iddet-i mu‘ayyenem üzerlerine ve me’ûnet-i süknâm dahi kendi üzerime olmak üzre mezbûr Süleyman ile muhâla‘a-i sahîha-i şer‘iyye ile [muhâla‘a] olup ol dahi ber vech-i muharrer hul‘-ı mezbûru kabûl eylediğinden sonra hukūk-ı zevciyyete ve sâir beynimizde ma‘lûm ve mechûl hukūka müte‘allika da‘vâdan her birimiz âharın zimmetini ibrâ-i âmm-ı kātı‘ü’n-nizâ‘la ibrâ ve iskāt eyledik dedikde gıbbe’t-tasdîki’ş-şer‘î mâ vaka‘a bi’t-taleb ketb olundu. Fi’l-yevmi’r-râbi‘ min Şevvâli’l-mükerrem li sene seb‘a ve tis‘în ve elf. Şuhûdü’l-hâl: El-Hâc Mustafa b. Ali, Süleyman Beşe b. Mustafa, el-Hâc Ali b. Mustafa, el-Hâc Mehmed b. İbrahim, Osman Beşe b. Mehmed uncu.