Kartal Mahkemesi 1 Numaralı Sicil (H. 1128-1133 / M. 1716-1721) cilt: 62, sayfa: 77 Hüküm no: 42 Orijinal metin no: [11b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Üsküdar kazasından Halil Ağa'nın vekili Osman Ağa tarafından tahsil edilen sürsat bedeli Bin yüz yirmi sekiz senesine mahsûb olmak üzere Karamürsel ve Gekbüze nâhiyelerinden mâ‘adâ medîne-i Üsküdar kazâsından bâ-defter-i mevkūfât tahsîli fermân olunan beş bin beş yüz iki guruş bir rub‘ guruş bedel-i sürsat mâlının nısfı medîne-i mezbûr esnâfına ve nısf-ı âharı nevâhî-i Üsküdar’a tevzî‘ olunmak mu‘tâd-ı kadîm olmağın mârru’z-zikr beş bin beş yüz iki guruş bir rub‘ guruşun nısfı olan iki bin yedi yüz elli bir guruş beş para kadîmden olageldiği üzere nevâhî-i Üsküdar’a tevzî‘ ve kabzına memûr olan fahrü’l-akrân Halil Ağa tarafından vekîl olan el-Hâc Osman Ağa yedine verilen bedel-i sürsat bedelidir ki ber-vech-i âtî zikr olunur. Hurrire fî-gurreti şehri Rebî‘i’l-evvel li-sene semân ve ışrîn ve mi'e ve elf. Nâhiye-i Kandırı 323 guruş Nâhiye-i Kaymak 282 guruş Nâhiye-i Genceli 188 guruş Nâhiye-i Taşköprü 542 guruş Nâhiye-i Ağaçlı 182 guruş Nâhiye-i Şile 567 guruş Nâhiye-i Akabad 116 guruş Nâhiye-i Adalar 550 guruş 5 para Cem‘an yekûn: 2.751 guruş 5 para. Hurrire hâze’d-defter bi-ma‘rifeti’l-fakīr ileyhi azze şânühû el-Hâc Mehmed el-Kādı bi-medîneti Üsküdar -ufiye anhu-