Kartal Mahkemesi 1 Numaralı Sicil (H. 1128-1133 / M. 1716-1721) cilt: 62, sayfa: 82 Hüküm no: 51 Orijinal metin no: [14a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Adalar ve köylerinden cizye toplama görevinin Ahmed Ağa'ya verilmesi Vech-i tahrîr-i hurûf oldur ki, bin yüz yirmi bir senesine mahsûb olmak üzere cibâyetine memûr olduğumuz İstanbul cizyesi uhdemizde olup sinîn-i sâbıkā mukāyesesi üzere Adalar ve karyelerinde sergi edip tevzî‘-i evrâk eylemek içün tarafımızdan kıdvetü’l-emâsil ve’l-akrân Ahmed Ağa -zîde kadruhû-’ya tefvîz ve sipâriş olunup zabtı içün ber-vech-i temessük bu varaka ketb olunup i‘tâ olunup inşâallâhu te‘âlâ gurre-i Şa‘ban’da tevzî‘-i evrâk ve tahsîl-i mâl-ı mîrî eylemek üzere ve altı ay tamâmına değin bi’l-cümle mâl-ı mîrî edâ ve teslîm eylemek üzere kavl-i şer‘î olunup onlar dahi ta‘ahhüd eylemeleriyle yedlerine işbu temessük ketb olunup i‘tâ olundu. Tahrîren fî Ş sene 1121 El-Fakīr el-Hâc Abdullah Cizyedâr-ı İstanbul hâliyâ.