Kartal Mahkemesi 1 Numaralı Sicil (H. 1128-1133 / M. 1716-1721) cilt: 62, sayfa: 94 Hüküm no: 75 Orijinal metin no: [18b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Adalar nahiyesi niyabetine Ebubekir Efendi'nin tayini Bismillâhirrahmânirrahîm Yâ Fettâh, Yâ Ganî, Yâ Vehhâb, Yâ Hâdî iftah lenâ hayre’l-bâb. İzzet-meâb şerî‘at-nisâb Ebubekir Efendi kâm-yâb, Ba‘de’t-tahiyye ve’t-teslîm inhâ olunur ki, işbu sene ihdâ ve ışrîn ve mi'e ve elf Şa‘bânü’l-mu‘azzamı gurresinden zabt etmek üzere medîne-i Üsküdar muzâfâtından Adalar niyâbeti tarafımızdan size tefvîz ve sipâriş olunmuşdur, gerekdir ki gurre-i merkūmeden nâhiye-i mezbûreye varıp ahâlîleri beynlerinde icrâ-yı şer‘-i şerîf edip câdde-i müstakīmden ser-mû inhirâfa cevâz göstermeyesiz ve’s-selâm. Hurrire fi’t-târîhi’l-mezbûr li’s-seneti’l-merkūme. Mine’l-fakīr el-Kādı bi-medîneti Üsküdar.