Kartal Mahkemesi 1 Numaralı Sicil (H. 1128-1133 / M. 1716-1721) cilt: 62, sayfa: 99 Hüküm no: 85 Orijinal metin no: [20a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kartal köyünden Martanite'nin terekesi Defter-i oldur ki, medîne-i Üsküdar muzâfâtından Adalar nâhiyesine tâbi‘ Kartal nâm karye sâkinelerinden iken bundan akdem hâlike olan Martanite bt. Vartan Ermeniyenin verâseti zevc-i metrûku Bogos v. Magderos ile sulbî kebîr oğlu Magderos ve sulbî sagīr oğulları Tomas ve Avanos’a münhasıra olduğu lede’ş-şer‘ zâhir ve nümâyân oldukdan sonra verese-i mezbûre talebleriyle hâlike-i mezbûrenin menzilinde ehl-i hibr[e] tahmîni ile tahmîn ve takvîm olunup beyne’l-verese bi’l-farîzati’ş-şer‘iye tevzî‘ ve taksîm olunan terekesidir, vech-i âtî üzere zikr olunur. Fi’l-yevmi’l-hâmis min-Cemâziyelâhire li-sene ışrîn ve mi'e ve elf. İnci askılı altın küpe, 2 2.400 akçe Altın bilezik, 10 miskāl 2.400 akçe Sîm kuşak ma‘a simli bıçak, 1 700 akçe Nişan yüzüğü, 1 360 akçe Sîm düğme, 9, dirhem: 10 200 akçe Bakır sahan, 6 600 akçe Sagīr sahan, 1 120 akçe Kazgan, 1 400 akçe Bakır sini, 1 240 akçe Köhne beledî döşek 2, ma‘a yorgan 2, ve yasdık 2 600 akçe Karye-i mezbûrede vâki‘ menzil, 1 5.000 akçe Yine karye-i mezbûre toprağında bağ, 1 1.200 akçe Cem‘an yekûn: 14.220 Minhe’l-ihrâcât: Resm-i kısmet-i âdî 355 akçe Harc-ı hüccet-i kâtibiye ve hüddâmiye 245 akçe Cem‘an yekûn: 600 Sahhu’l-bâkī: 13.620. Yalnız on üç bin altı yüz yirmi akçedir. Hissetü’z-zevc 3.405 akçe Hissetü’l-ibn 3.405 akçe Hissetü’l-ibn 3.405 akçe Hissetü’l-ibn 3.405 akçe