Kartal Mahkemesi 1 Numaralı Sicil (H. 1128-1133 / M. 1716-1721) cilt: 62, sayfa: 101 Hüküm no: 89 Orijinal metin no: [21a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Koniçe kazası Derbend köyünden olup Adalar nahiyesi Tuzla köyünde ölen Yorgi'nin terekesi Defter-i oldur ki, fi’l-asl vilâyet-i Rumeli’de Yanya sancağında Koniçe kazâsına tâbi‘ Derbend karyesi sâkinlerinden olup medîne-i Üsküdar muzâfâtından Adalar nâhiyesine tâbi‘ Tuzla nâm karyede el-Hâc Abdullah berberhânesinde ticâret vechi üzere mutavattın iken bundan akdem hâlik olan Yorgi v. Kito v. Saro nâm zimmînin zâhirde vâris-i ma‘rûfu olmayıp terekesi cânib-i beytülmâla âid ve râci‘ olmağın karye-i mezbûrede subaşı ve emîn-i beytülmâl olan fahrü’l-akrân Ahmed Ağa b. Mehmed talebiyle hâlik-i mezbûrun terekesi tahrîr ve sûk-ı sultânîde ba‘de’l-müzâyede semen-i misilleri ile bey‘ olunan eşyâsı defteridir ki ber-vech-i âtî zikr olunur. Fi’l-yevmi’s-sânî min-Cemâziyelâhire li-sene ışrîn ve mi'e ve elf. Keten tohumu, 800 keyl, fî: 45 36.000 akçe Buğday, 3 keyl, fî: 40 120 akçe Darı, 4 keyl, fî: 60 akçe Çuval, 2, fî: 30 60 akçe Bezir tulumu, 15, fî: 16 240 akçe Köftün, 200 kıyye 160 akçe Revgān-ı bezir, 1.220 kıyye, fî: 8 9.760 akçe Elek, 2, fî: 22 72 akçe Cem‘an yekûn: 46.472 Minhe’l-ihrâcât: Resm-i kısmet-i âdî 1.161 akçe Kâtibiye 86 akçe Dellâliye 929 akçe Resm-i emîn-i beytülmâl 4.647 akçe Berberhâne bekçilerine ücret 875 akçe Cem‘an yekûn: 7.698 Sahhu’l-bâkī: 38.774. Yalnız otuz sekiz bin yedi yüz yetmiş dört akçedir. Meblağ-ı mezbûr emîn-i mezbûr yedindedir. Hâlik-i mezbûrun bâ-hüccet-i şer‘iye vasiyy-i muhtârı olan İstirati v. Yani nâm zimmî meblağ-ı mezbûr otuz sekiz bin yedi yüz yetmiş dört akçeyi emîn-i mezbûr Ahmed Ağa yedinden tamâmen ahz u kabz etmeğin bu mahalle şerh verildi. Fî-Cemâziyelâhire.