Kartal Mahkemesi 1 Numaralı Sicil (H. 1128-1133 / M. 1716-1721) cilt: 62, sayfa: 111 Hüküm no: 104 Orijinal metin no: [23b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kartal köyünden Varsami bahçesine lağım akıttığı için davacı olduğu Agya ile sulh olması Medîne-i Üsküdar muzâfâtından Adalar nâhiyesine tâbi‘ Kartal nâm karye sâkinlerinden Varsami v. Papa Ohan nâm Ermeni muvâcehesinde ikrâr-ı tâm ve takrîr-i kelâm edip silk-i mülkümde münselik bir kıt‘a mülk bağçem içinde kârîz akıtıp ben dahi men‘i içün merkūm Agya’dan da‘vâ eylediğimde beynimizde münâza‘ât-ı kesîre vâkı‘a olmuş idi, el-hâletü hâzihî muslihûn tavassutuyla mesfûr Agya da‘vâ-yı mezkûremden benim ile dört yüz akçe üzerine inşâ-i akd-i sulh eylediklerinde ben dahi sulh-ı mezbûru kabûl ve bedel-i sulh olan meblağ-ı mezbûr dört yüz akçeyi yedinden tamâmen ahz u kabz eyledim ve ba‘de’l-yevm husûs-ı mezbûra ve sâire müte‘allika cemî‘ da‘vâdan her birimiz âharın zimmetini ibrâ ve ıskāt eyledim dedikde gıbbe’t-tasdîki’ş-şer‘î mâ-hüve’l-vâki‘ bi’t-taleb ketb olundu. Fi’l-yevmi’s-sâdis aşer min-Recebi’l-mürecceb li-sene ışrîn ve mi'e ve elf. Şuhûdü’l-hâl: Abdurrahman Ağa b. el-Hâc Ali, el-Hâc Mehmed b. Yakub, el-Hâc Ahmed b. Halil, Mehmed Efendi [b.] Mustafa, Musa Beşe [b.] Mehmed, Yunus Berber.