Kartal Mahkemesi 1 Numaralı Sicil (H. 1128-1133 / M. 1716-1721) cilt: 62, sayfa: 111 Hüküm no: 105 Orijinal metin no: [24a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hüseyin Beşe'nin Ahmed b. Mehmed aleyhine açtığı alacak davasından feragat etmesi Dolayoba’da Ahmed’in ibrâ[sı]. Medîne-i Üsküdar muzâfâtından Adalar nâhiyesine tâbi‘ Şeyhli nâm karyede müsâferet vechi üzere sâkin Hüseyin Beşe b. Mustafa nâm kimesne meclis-i şer‘-i şerîfde işbu râfi‘u’l-kitâb Ahmed b. Mehmed nâm kimesne mahzarında ikrâr-ı tâm ve takrîr-i kelâm edip mezbûr Ahmed târîh-i kitâbdan iki gün mukaddem yine nâhiye-i mezbûreye tâbi‘ Pendik nâm karyede sîm bir beyaz mukaddem şalımı ve bir gümüşlü bıçağımı ve sekiz guruşumu fuzûlen ahzeyledi deyü taleb ve da‘vâ sadedinde idim, el-hâletü hâzihî zikr olunan bir mukaddem şala ve bir gümüşlü bıçak ve sekiz guruş da‘vâsından fâriğ olup husûs-ı mezbûra ve sâire müte‘allika cemî‘ da‘vâdan mezbûr Ahmed’in zimmetini ibrâ-i küllî ile ibrâ ve ıskāt eyledim dedikde gıbbe’t-tasdîki’ş-şer‘î mâ-vaka‘a bi’t-taleb ketb olundu. Fi’l-yevmi’s-sâbi‘ ve’l-ışrîn min-Recebi’l-mürecceb li-sene ışrîn ve mi'e ve elf. Şuhûdü’l-hâl: el-Hâc Ali [b.] Mehmed, Mustafa Çelebi [b.] Mehmed, Mehmed Efendi [b.] Mustafa, Ahmed Beşe [b.] Ali, Bektaş Beşe [b.] Mehmed, Ahmed Beşe [b.] Abdullah, Hüseyin Çelebi [b.] Hasan.