Kartal Mahkemesi 1 Numaralı Sicil (H. 1128-1133 / M. 1716-1721) cilt: 62, sayfa: 112 Hüküm no: 106 Orijinal metin no: [24a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yakacık köyünden Ayşe'nin bağını kocasına satması İstanbul’da Hanefi Beşe’nin. Medîne-i Üsküdar muzâfâtından Adalar nâhiyesine tâbi‘ Yakacık nâm karye sâkinlerinden Âişe bt. Mehmed nâm hatun tarafından bey‘-i âti’z-zikri ikrâra vekîl olup zât-ı mezbûreyi bi’l-ma‘rifeti’ş-şer‘iye ârifân olan Mehmed Beşe b. Mustafa vekîl olup Mehmed Beşe b. Mustafa ve Halil Beşe b. İbrahim nâm [kimesneler] şehâdetleriyle şer‘an vekâleti sâbite ve sübût-ı vekâletine hüküm lâhık olan Hasan Beşe b. Mustafa nâm kimesne meclis-i şer‘-i şerîf-i enverde işbu râfi‘u’l-kitâb Hanefi Beşe b. ( ) nâm kimesne mahzarında ikrâr-ı tâm ve takrîr-i kelâm edip akd-i âti’z-zikrin sudûruna değin zevcem müvekkile-i mezbûrenin silk-i mülkünde münselik olup karye-i mezbûre toprağında vâki‘ bir tarafdan Kışlaoğlu bağı ve bir tarafdan Hüseyin Beşe bağı ve iki tarafdan müşteri-i mezbûr bağı ile mahdûd tahmînen bir dönüm bir kıt‘a kürûmî mülk bağını tarafeynden îcâb ve kabûlü hâvî ve şürût-ı müfsideden ârî bey‘-i bâtt-ı sahîh-i şer‘î ile mezbûr Hanefi Beşe’ye on yedi guruşa bey‘ ve teslîm ve temlîk eylediğinde ol dahi ber-vech-i muharrer iştirâ ve tesellüm ve temellük ve kabz ve kabûl eyledikden sonra semeni olan meblağ-ı mezbûr on yedi guruşu zevcem müvekkile-i mezbûre mezbûr Hanefi Beşe yedinden tamâmen ahz u kabz eyledi, ba‘de’l-yevm bağ-ı mahdûd-ı mezkûr merkūm Hanefi Beşe’nin mülk-i müşterâsı ve hakk-ı sırfıdır, zevcem müvekkile-i mezbûrenin kat‘â alâka ve medhali kalmadı, keyfe mâ yeşâ ve yahtâr mutasarrıf olsun dedikde gıbbe’t-tasdîki’ş-şer‘î mâ-vaka‘a [bi’t-taleb] ketb olundu. Fi’l-yevmi’s-sâbi‘ ve’l-ışrîn min-Recebi’l-mürecceb li-sene ışrîn ve mi'e ve elf. Şuhûdü’l-hâl: Mustafa Çelebi [b.] Mehmed, Mehmed Beşe [b.] Ahmed, Ali Beşe [b.] Bayram, Mehmed Efendi [b.] Mustafa, Ali Beşe [b.] Mehmed.