Kartal Mahkemesi 1 Numaralı Sicil (H. 1128-1133 / M. 1716-1721) cilt: 62, sayfa: 115 Hüküm no: 111 Orijinal metin no: [25a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kartal köyünden Todoş'un evini Hıristo'ya satması ile ilgili terkin edilmiş kayıt [24b-1’deki kaydın tekrarı olması dolayısıyla iptal edilmiş] << Medîne-i Üsküdar muzâfâtından Adalar nâhiyesine tâbi‘ Kartal nâm karye sükkânından Todoş v. Danyel nâm zimmî meclis-i şer‘-i şerîfde işbu râfi‘u’s-sifr Hıristo v. Görgo nâm zimmî muvâcehesinde bi-tav‘ihî ikrâr ve i‘tirâf edip akd-i âti’z-zikrin sudûruna değin silk-i mülkümde münselik olup karye-i mezbûrede vâki‘ bir tarafı Lanbornos nâm zimmî mülkü olup ve bir tarafdan Aci Tanaş nâm zimmî mülkü ve bir tarafdan Paşa İstavronos nâm zimmî mülkü ve bir tarafdan tarîk-i âm ile mahdûd bir bâb tahtânî oda ve bir sofayı müştemil mülk menzilimi tarafeynden îcâb ve kabûlü hâvî ve şürût-ı müfsideden ârî bey‘-i bâtt-ı sahîh-i şer‘î ile mezbûr Hıristo’ya altmış kıt‘a esedî guruşa bey‘ ve teslîm ve temlîk eylediğimde ol dahi ber-vech-i muharrer iştirâ ve tesellüm ve temellük ve kabz ve kabûl eyledikden sonra semeni olan meblağ-ı mezbûr altmış kıt‘a esedî guruşu müşteri yedinden tamâmen ahz u kabz eyledim, ba‘de’l-yevm menzil-i mahdûd-ı mezkûr[d]a benim kat‘â alâka ve medhalim kalmadı, müşteri-i mezbûr[un] mülk-i müşterâsıdır, keyfe mâ yeşâ ve yahtâr mutasarrıf olsun dedikde gıbbe’t-tasdîki’ş-şer‘î mâ-vaka‘a bi’t-taleb ketb olundu. Fi’l-yevmi’s-sânî ve’l-ışrîn min-Recebi’l-mürecceb li-sene ışrîn ve mi'e ve elf. >> El-emru kemâ rukime fîhi nemakahû el-fakīru ileyhi subhânehû te‘âlâ Mustafa el-Hâc Bayram el-müvellâ-hilâfeten bi-nâhiyeti Adalar.