Kartal Mahkemesi 1 Numaralı Sicil (H. 1128-1133 / M. 1716-1721) cilt: 62, sayfa: 120 Hüküm no: 119 Orijinal metin no: [26a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Pendik köyünden Meldon'un ev hissesini Demnoyor'a satması Medîne-i Üsküdar muzâfâtından Adalar nâhiyesine tâbi‘ Pendik karyesi sükkânından Meldon v. Dimitri zimmî meclis-i şer‘-i hatîr-i lâzımü’t-tevkīrde işbu bâ‘isü hâze’s-sifr Demnoyor? v. Anderye zimmî mahzarında ikrâr-ı tâm ve takrîr-i kelâm edip mürd olan babamdan hâl-i sıhhatinde iştirâ eylediğim karye-i mezbûrede vâki‘ bir tarafdan Kurtiş zimmî menzili ve bir tarafdan müşteri-i mesfûr Demnoyor menzili ve bir tarafdan Petre zimmî menzili ve bir tarafdan tarîk-i âm ile mahdûd olan mülk menzilimin sülüs hisse-i şâyi‘asını mesfûr Demnoyor zimmîye otuz üç guruşa bey‘-i bâtt-ı kat‘î ile bey‘ ve teslîm ve kabz-ı semen eylediğimde ol dahi minvâl-i muharrer üzere iştirâ ve tesellüm eyledikden sonra semeni olan meblağ-ı merkūm otuz üç guruşu mesfûr Demnoyor zimmî yedinden bi’t-tamâm ve’l-kemâl ahz u kabz eyledim, ba‘de’l-yevm menzil-i mahdûd-ı mezkûrun sülüs hisse-i şâyi‘ası mesfûr Demnoyor zimmînin mülk-i müşterâsıdır, keyfe mâ yeşâ ve yahtâr mutasarrıf olsun dedikde gıbbe’t-tasdîki’ş-şer‘î mâ-hüve’l-vâki‘ bi’t-taleb ketb olundu. Hurrire fi’l-yevmi’t-tâsi‘ aşer min-Ramazani’l-mübârek li-sene ışrîn ve mi'e ve elf. Şuhûdü’l-hâl: Fahrü’l-eşbâh Halil Ağa Zâbit-i Pendik, Ali Beşe b. Veli, Abdi Beşe b. Mehmed, Mehmed Halîfe İmâm-ı Yayalar, Halil Beşe b. Hüseyin sâkin-i Yakacık, İbrahim tâbi‘-i zâbit-i Pendik, Hüseyin Çelebi, el-Hâc Mehmed. [26b] Yâ Fettâh ve Yâ Rezzâk, …?