Kartal Mahkemesi 1 Numaralı Sicil (H. 1128-1133 / M. 1716-1721) cilt: 62, sayfa: 131 Hüküm no: 137 Orijinal metin no: [29b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Osmancıklı bazı şahısların Kartal köyü halkıyla olan anlaşmazlıklarının sulhla sonuçlandırıldığı Anadolu tarafından medîne-i Osmancık sâkinlerinden fülân b. fülân ve fülâne bt. fülâne nâm kimesneler tarafından sulh-ı âti’z-zikre fülân b. fülân ( ) nâm kimesnelerin şehâdeti ile vekâleti sâbit olan Veli Beşe b. Osman nâm husûs-ı âti’z-zikrin teftîşi içün be-fermân-ı âlî ile gelen Bostanî ustası Abdi Ağa b. İbrahim ile medîne-i Üsküdar nevâhîsinden Adalar nâhiyesinde karye-i Kartal’da meclis-i şer‘-i şerîfde hâzırân olup karye-i mezkûre ahâlîsinden ( ) ve gayrılar muvâcehelerinde ikrâr ve i‘tirâf [edip] müvekkilim mezbûretân ( ) nâm hatunların zevci ve gāib olan kimesnenin karındaşı ( ) tarafından sulha ve bedel-i sulhu ahza vekîl olduğum ecilden mezkûrûn ile yirmi beş guruşa sulh ve bedel-i sulh olan meblağ-ı mezkûr yirmi beş guruşu mezkûrûndan ahz u kabz eyledim, ba‘de’l-yevm da‘vâ ve nizâ‘ım kalmadı dediği kayd şüd.