Bab Mahkemesi 46 Numaralı Sicil (H. 1096 - 1097 / M. 1685 - 1686) cilt: 19, sayfa: 588 Hüküm no: 722 Orijinal metin no: [128a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ekmekçi Bedros v. İsak’ın Kosta v. Kazar’da alacağı olduğu Ekmekçi tâifesinden olup mahmiye-i İstanbul’da vâki‘ Balçık fırını ustası olan işbu bâ‘isü’l-vesîka Bedros v. İsak nâm Ermeni meclis-i şer‘-i şerîf-i enverde sayıcısı? olan Kosta v. Kazar nâm zimmî muvâcehesinde üzerine da‘vâ ve takrîr-i kelâm edip mezbûr Kosta zimmetinde bi’d-defe‘ât bey‘ ve semenini kendi mesârifine sarfla istihlâk eylediği ekmek bahâsından ba‘de küllî hesâb on bin akçe hakkım müctemi‘ olmağla hâlâ mezbûr Kosta’ya suâl olunup meblağ-ı mezbûr on bin akçeyi bana edâ ve teslîme mezbûr Kosta’ya tenbîh olunmak matlûbumdur dedikde gıbbe’s-suâl mezbûr Kosta cevâbında kaziyye vech-i muharrer üzre olup meblağ-ı mezbûr on bin akçe cihet-i mezbûreden zimmetinde müctemi‘ olup müdde‘î-i mezbûra vâcibü’l-edâ deyni olduğunu bi tav‘ihî ikrâr ve i‘tirâf etmeğin mûcebince meblağ-ı mezbûr on bin akçeyi müdde‘î-i mezbûra edâ ve teslîme mezbûr Kosta’ya ba‘de’t-tenbîh mâ vaka‘a bi’t-taleb ve’l-ibtigā ketb ve imlâ olundu. Fi’l-yevmi’s-sâlis ve’l-ışrîn min şehri Ramazâni’l-mübârek li sene seb‘a ve tis‘în ve elf. Şuhûdü’l-hâl: İbrahim Çelebi b. Ahmed, İsmail b. Mustafa, Hüseyin b. Mustafa, Mehmed Çelebi b. İdris.