Bab Mahkemesi 46 Numaralı Sicil (H. 1096 - 1097 / M. 1685 - 1686) cilt: 19, sayfa: 590 Hüküm no: 726 Orijinal metin no: [128b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mustafa Çelebi b. Süleyman’ın Ali b. Veli’de alacağı olduğu Vilâyet-i Anadolu’da Amasya kazâsına tâbi‘ Namlı nâm karye ahâlîsinden olup mahmiye-i İstanbul’da Vâlide Sultân hanında müsâferet vechi üzre sâkin olan bâ‘isü’l-kitâb Mustafa Çelebi b. Süleyman meclis-i şer‘-i şerîf-i enverde mahrûse-i Tophâne’de Perviz Ağa mahallesinde sâkin Ali b. Veli nâm kimesne mahzarında üzerine [da‘vâ] ve takrîr-i kelâm edip mezbûr Ali zimmetinde yedimden müşterâ ve makbûz levni ve zirâ‘ı beynimizde ilm-i şer‘îyle ma‘lûm bogasi bahâsından beş yüz esedî guruş hakkım olup meblağ mezbûrun iki yüz esedî guruşunu mukaddemâ yedinden ahz u istîfâ edip üç yüz on esedî guruş hakkım kalmağla hâlâ suâl olunup meblağ-ı bâkī-i mezbûr üç yüz on esedî guruş dahi bana edâya tenbîh olunmak matlûbumdur dedikde gıbbe’s-suâl mezbûr Ali cevâbında fi’l-hakīka müdde‘î-i mezbûra ber vech-i muharrer cihet-i mezbûreden bâkī üç yüz [on] esedî guruş elân zimmetimde lâzımü’l-edâ ve lâzımü’l-kazâ deynim vardır deyû bi tav‘ihî ikrâr ve i‘tirâf etmeğin alâ mûcebi i‘tirâfihî meblağ-ı bâkī-i mezbûr üç yüz on esedî guruşu dahi müdde‘î-i mezbûra edâ ve teslîme mezbûr Ali’ye tenbîh birle mâ vaka‘a bi’t-taleb ketb olundu. Fi’l-yevmi’s-sâmin min Şevvâli’l-mükerrem li sene seb‘a ve tis‘în ve elf. Şuhûdü’l-hâl: El-Hâc Mustafa b. Ramazan, el-Hâc Ahmed Ağa b. Hasan, İbrahim Çelebi b. Ahmed, Siyavuş b. Abdullah, Mehmed b. Ahmed.