Kartal Mahkemesi 1 Numaralı Sicil (H. 1128-1133 / M. 1716-1721) cilt: 62, sayfa: 194 Hüküm no: 285 Orijinal metin no: [51a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mustafa Efendi'nin Adalar Naibliği'ne tayini Yâ Fettâh, Yâ Rezzâk, Yâ Ganî, Yâ Vehhâb, Yâ Hâdî iftah lenâ hayre’l-bâb Fahrü’l-kuzâti’l-mükerrem mevlânâ Mustafa Efendi kâm-yâb, ba‘de’t-tahiyyeti’l-hâlisa inhâ olunur ki işbu sene ihdâ ve ışrîn ve mi'e ve elf Muharremi’l-harâmı gurresinden Adalar nâhiyesinin niyâbeti tarafımızdan size tefvîz ve sipâriş olunmuşdur. Gerekdir ki, gurre-i merkūmeden beyne’l-ahâlî icrâ-yı ahkâm-ı şer‘iyede mücid ü sâ‘î olup şerî‘at-ı Ahmedî’den ser-mû inhirâfa cevâz göstermeyesiz ve’s-selâm. El-Muhlis el-Fakīr Mehmed el-Kādı bi-medîneti Üsküdar el-mahrûse.