Bab Mahkemesi 46 Numaralı Sicil (H. 1096 - 1097 / M. 1685 - 1686) cilt: 19, sayfa: 595 Hüküm no: 732 Orijinal metin no: [129b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Şaban b. Veli’nin câriyesi Behzad’ı azat etmesi Mahmiye-i İstanbul’da Keçeci Pîrî mahallesinde sâkin Şaban b. Veli nâm kimesne meclis-i şer‘-i şerîfde kendiye rıkkıyyetini mu‘terife olan işbu açık kaşlı sarı ala gözlü orta boylu Rûsiyyetü’l-asl Behzad bt. ( ) câriye-i memlûkesi muvâcehesinde takrîr-i kelâm ve ta‘bîr ani’l-merâm edip mevsûfe-i mezbûre Behzad’ı hasbeten lillâhi’l-meliki’l-Hallâk ve taleben li merzâti Rabbi’r-Rezzâk malımdan tahrîr ve i‘tâk ve zümre-i harâir-i asliyyâta idrâc ve ilhâk eyledim. [130a] Ba‘de’l-yevm mevsûfe-i merkūme sâir harâir-i asliyyât gibi hürre olup üzerinde velâ-i şer‘îden gayrı hakkım kalmadı dedikde mâ vaka‘a bi’t-taleb ketb olundu. Fi’l-yevmi’t-tâsi‘ min Şevvâli’l-mükerrem li sene seb‘a ve tis‘în ve elf. Şuhûdü’l-hâl: Yusuf Beşe b. Abdullah, Şaban Beşe b. Ahmed, Ali Beşe b. ( ), el-Hâc Mustafa [b.] Tevekkül, Ahmed b. Ali.