Bab Mahkemesi 46 Numaralı Sicil (H. 1096 - 1097 / M. 1685 - 1686) cilt: 19, sayfa: 599 Hüküm no: 739 Orijinal metin no: [131a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Rahime bt. Hüseyin’in Abdi b. Hüseyin’den muhâlaa yoluyla boşandığı Muhâla‘a an mahalleti Müftü Ali Çelebi Mahmiye-i İstanbul’da Müftü Çelebi mahallesinde sâkine olup zâtı ma‘rifet-i şer‘iyye ile ârifân olan Mehmed b. Yusuf ve İsmail b. Mustafa nâm kimesneler ta‘rîfleriyle mu‘arrefe olan Rahime bt. Hüseyin nâm hâtun meclis-i şer‘-i şerîf-i enverde zevc-i dâhili bâ‘isü hâze’l-kitâb Abdi b. Hüseyin mahzarında ikrâr ve takrîr-i kelâm edip mezbûr Abdi ile beynimizde hüsn-i zindegânîmiz olmamağla zimmetinde mütekarrir ve ma‘kūdun-aleyh olan bin akçe mehr-i müeccelim ve nafaka-i iddet-i mu‘ayyenem üzerine ve me’ûnet-i süknâm dahi kendi üzerime olmak üzre mezbûr Abdi ile muhâla‘a-i sahîha-i şer‘iyye ile muhâla‘a olup ol dahi ber vech-i muharrer hul‘-ı mezbûru kabûl eylediğinden sonra hukūk-ı zevciyyete müte‘allika da‘vâdan her birimiz âharın zimmetini ibrâ-i âm ile ibrâ ve iskāt eyledik dedikde gıbbe’t-tasdîki’ş-şer‘î mâ hüve’l-vâki‘ bi’t-taleb ketb olundu. Fi’l-yevmi’l-âşir min Şevvâli’l-mükerrem li sene seb‘a ve tis‘în ve elf. Şuhûdü’l-hâl: Mahmud b. Hasan, Mustafa b. Mehmed, İsmail b. Mustafa, Mehmed b. Abdullah, Mehmed b. Yusuf ve gayruhüm mine’l-hâzırîn.